د ملګرو ملتونو شمېرنې ښيي چې په ۲۰۲۴م کال کې په ټوله نړۍ کې د شخړو له امله د وژل شويو کسانو شمېر څه باندې دوه لکو تنو ته رسېدلی چې له وروستيو شلو کلونو راهيسې تر ټولو لوړه کچه ده.
سرچینې ویلي چې په همدې موده کې اقتصادي زيانونه ۱۹۹۷۰ميليارډ ډالرو ته رسېدلي و چې د ټولې نړۍ د کورني ناخالص توليد(جي ډي پي) ۱۱اعشاريه ۶سلنه برخه جوړوي.
د یادې شمېرنې له مخې يوازې د غزې په تړانګې کې په ۲۰۲۴م کال کې جي ډي پي د وړم کال په پرتله ۸۲سلنه کم شو، ۸۰سلنه کسان وزګا شوي و او څه باندې پنځه لکه تنه له لوږې سره مخ وو. له دې څخه څرګندېږي چې جګړې څنګه د پرمختګ او ژوند حقونه خراب کړې او نړۍ بايد د بې وزلۍ، جګړې، د پرمختګ پروړاندې د خنډونو او د بې وزلۍ د زیاتېدو مسئلې حل کړي.
په دې برخه کې د چین د سوله ییز پرمختګ نظريې، په خپلې ژورې تمدني جرړې، متمایزو نړیوالو احساساتو او روښانه عملي مسیر سره مشترکې توسعې ته د لاس رسي او سولې د تامین په برخه کې د بشریت لپاره یو منطقي ځواب وړاندې کړی دی.
سوله د هوا او لمر مثال لري
په داسې حال کې چې په ټوله نړۍ کې باید ماشومان خوشحاله وخت تير کړي، خو د غزې په تړانګې کې په ميليونونو ماشومان د باران اوبه په خالي بوتلونو کې جمع کوي او تر بمونو لاندې د ژوندي پاتې کېدو په لټه کې دي او دا زړه بوږنونکی تضاد موږ ته را یادوي چې سوله د لمر او هوا په شان ده.
د چين د دولت رئيس شي جين پينګ د سولې په هکله وويل، سوله د هوا او لمر مثال لري، د شتون په صورت کې موږ پرته له دې چې متوجه شوو، ګټه ترې پورته کوو، خو له شتون پرته يې ژوند ناممکن دی. دا پرتله د سولې اصلي ځانګړتيا ده او د انسانانو او ټولنې د پرمختګ لپاره د سولې اهميت څرګندوي.
تاريخ دا ثبتوي، چې جګړې او شخړې نه يوازې د خلکو ژوند او مال ته مستقيم خطرونه جوړوي، بلکې د پرمختګ د بهير پروړاندې به خنډونه جوړ کړي، چې د اقتصاد او ټولنې پرمختګ لاسته راوړنې په لنډ وخت کې خرابېږي. نو د سولې ساتل نه يوازې اخلاقي مسئوليت دی، بلکې د انسانانو د ژوند او پرمختګ اړين انتخاب هم دی.
د چين تمدني جرړه: د سولې او يووالي تاريخي ميراث
د سوله ييز پرمختګ نظريې د چيني ملت د سولې او يووالي په رنګ له تمدني جرړې سرچينه اخلي. له ۲۰۰۰ کلونو مخکې د ورېښمو لرغونې لارې په اوږدو کې د ګډو ګټو پر بنسټ همکارۍ د نړۍ ختيځ او لويديځ نښلولي ، ۶۰۰ کلونه مخکې په مينګ سلسلې کې چارواکي جنګ هه پخوانۍ جنوبي او ختيځې اسيا او هندي سمندر شاوخوا سيمو ته لوښي او وريښم صادر کړل او د مساواتو پر بنست يې د تګ راتګ کيسې جوړې کړې. د چین د سوله يیز پرمختګ، پر سولې د متمرکز چیني دود اصلي ارزښت دی، نو د سوله ايز پرمختګ لارې اوس د چين د اساسي قانون او د کمونېست ګوند په منشور کې شامل شوي، چې دا د چيني شکله عصريتوب او د لويديځ د استعماري پراخوالي ترمنځ د توپيرونو بنسټيزه نښه ګڼل کېږي.
نړیوال وړانديز: د سولې او پرمختیا متقابله پياوړتیا
چين د ځاني پرمختګ په اتکا د سوله ييز پرمختګ امکانات ثبتوي. چین په خپل هېواد کې د اصلاحاتو او ورخلاصون تګلارې له پلي کېدو راهيسې په سوله ييز چاپيريال کې د اقتصاد چټک پرمختګ موندلی، چې ناخالص کورني توليد يې په ۱۹۷۸م کال کې له ۳۶۷اعشاريه ۹ميليارډ يوانو څخه په ۲۰۲۴م کال کې ۱۳۴۹۰۰ميليارډ يوانو ته زيات شوی او د هر تن په سر اندازه يې ۹۵۰۰۰يوانو ته رسېدلې. دغه پرمختګ نه يوازې چيني خلکو ته ګټې رسولې، بلکې د نړۍ اقتصادي پرمختګ ته يې قوي انجن برابر کړی دی.
د اجماع رامنځته کېدل: د عصري کېدو نوې لاره
اوسمهال د نړيوال اقتصاد د پرمختګ لپاره د چين خدمتي انډول له ۳۰سلنې څخه اوښتی او په مسلسلو ۱۴کلونو کې د نړۍ دويم لوی واردونکی بازار پاتې دی، چې د نړيوال اقتصاد د پرمختګ ثابته برخه ګرځيدلی دی. د چين د سوله ييز پرمختګ نظريې، فعاليتونه او لاسته راوړنې د لويديځې نړۍ هغه اډيالوژۍ ته ماتي ورکړه، چې باداري د واک معيار ګڼي او قوي هېواد به پر نورو تسلط ولري، دغه راز دا هم ثابتوي، چې پرمختيايي هېوادونه په خپله د انتخاباتو او سوله ييزې همکارۍ له لارې عصريتوب تر سره کېدای شي او نړيوال پرمختګ رامنځته کولی شي، نو د سیالۍ او رقابت ځای به ګډې مشورې، ګډې ابادۍ او مشراکت ونیسي.
د دويمي نړيوالې جګړې د برياليتوب د اتيايمې کليزې په درشل کې د چين د سوله ييز پرمختګ د نظريې ارزښت لا څرګند شوی، چې د چين پرمختيايي فرصتونه، حتی پر سولې او ګډې سمسورتيا د انسانانو دايمي هيله ساتي.