یو چيني متل چې وايي، خلک خوراکونو ته لومړيتوب ورکوي او په دې اړه تر ټولو مهمه خبره د غلودانو امنيت دی. د اکتوبر په ۱۶مه نېټه د غلودانو له نړيوالې ورځې سره برابره وه. د همدې ورځې د رارسېدو په درشل کې خلک بيا د غلو دانو پر خونديتوب تمرکز کوي. د ملګرو ملتونو راپور ښيي تېر کال په نړۍ کې د وږیو کسانو شمېر شاوخوا ۶۷۳ مليونو ته رسېدلی او تر ۲۰۳۰م کاله پورې به هم لا ۵۱۲ مليونه وګړي د خوړو له کمښت سره مخ وي. خو چين د ټولنيز او اقتصادي پرمختګ د څوارلسم پنځه کلن پلان په موده کې نه يوازې د غلودانو د پرمختيا بنسټ لا پياوړی کړی بلکې په دې برخه کې يې له ګډو ننګونو سره د مقابلې او د نړۍ د غلو دانو د خونديتوب د تضمين لپاره قيمتي تجربې هم برابرې کړې دي.
چين تل د غلو دانو خونديتوب د هېواد ستره اهمیت لرونکې چاره بولي او د کروندو د ساتنې او د کرنيزې ټکنالوژۍ د پرمختيايي سترتيژۍ په عملي کولو سره يې د څوارلسم پنځه کلن پلان په موده کې د غلو دانو توليدي توان پياوړی کړی دی. په تېرو پنځو کلونو کې د چين د غلو دانو کلني توليدي اندازه په ۶۵۰ ميليارډه ګيلو ګرامه ساتل شوې او تېر کال دغه اندازه په لومړي ځل ۷۰۰ ميليارډو کيلو ګرامو ته رسېدلې چې د هر تن پر سره د غلودانو اندازه پنځه سوه کيلو ګرامه ده او دغه اندازه پر سر د نړۍ د منځنۍ سويې په پرتله زياته ده. له دې کبله چين د غلو دانو په برخه کې مطلق خونديتوب تضمين کړی دی. اوس چين شاوخوا ۶۷ مليونه لوړ معيار لرونکې کروندې جوړې کړې، د کرنیزو محصولاتو ۹۵ سلنه کرنيز ډولونه په خپله انتخاب کړي او روزلي او د کرنيزو توليداتو د کښت او حاصلاتو راټولولو ماشينري کچه يې هم ډېره لوړه کړې او په دې برخه کې يې د غلو دانو د خونديتوب تضمين د قانون په شمول يې د ډېرو تګلارو پلي کول تضمین کړي دي . چين چې کروندې يې د نړۍ په سلو کې نهه برخه او د څښاک اوبه يې د نړۍ په سلو کې شپږ برخه نيسي، د نړۍ یوه پر پنځمه برخه خلکو ته غلې دانې برابرولی شي چې دا د نړۍ د غلو دانو د خونديتوب ساتلو ته ډېر ستر خدمت دی او د نړۍ د غلو دانو بازار په ثبات کې يې هم مرسته کړې ده.
د غلو دانو د بحران پر وړاندې چين نه يوازې د خپلو خلکو د غلو دانو ضمانت برابر کړی بلکې له نورو هېوادونو سره يې اړوندې تجربې شريکې کړې او د همکارۍ له لارې يې د کمربند او لارې په اوږدو کې د پرتو پرمختيایي هېوادونو سره د کرنې په برخه کې مرستې کړې دي. په وروستيو کلونو کې چين له پرمختیايي هېوادونو سره څه باندې زر ډوله کرنيزې ټکنالوژۍ شریکې کړې چې په دې سره يې د هغو کروندو تولیدي اندزه له ۳۰ تر ۶۰ سلنې لوړه کړې چې پروژې پکې عملي کېږي. د بېلګې په توګه د چين او پاکستان ترمنځ کرنيزې همکارۍ کې د ټکنالوژۍ د لېږد راليږد ، د استعداد لرونکو کسانو د روزلو او د کرنې په برخه کې د همغږۍ په شمول څو اړخيز چوکاټ جوړ شوی دی. د دې ترڅنګ په ۲۰۲۴م کال کې کې هغه پروژه پيل شوې چې له مخې يې د کرنې په برخه کې زر تنه با استعداده پاکستانيان په روزنيزو کورسونو کې د ګډون لپاره چین ته راوستل شوي دي. تر اوسه پورې د دې پروژې په تړاو د کليدي کرنيزې ټکنالوژۍ د زده کولو لپاره د شاان شي يانګ لين ته دوې ډلې راغلې دي. لومړۍ ډله يې بېرته پاکستان ته ستنه شوې او له پرمختللې ټکنالوژۍ څخه په استفادې يې ځايي کرنيزو چارو ته پرمختګ ورکړی دی. سربېره پردې د کرنې برخې ډېر چينايي کارپوهان هم نورو هېوادونو ته د مرستو لپاره تللي دي او هلته يې د چیني کرنې غوره قسمونه، پرمختللې کرنيزې ټکنالوژۍ، اداري تجربې او د پرمختګ نوي طریقې ښودلې دي. د دوی د هڅو او د يو لړ پروژو په پلي کولو سره ځايی بې وزله کلي له حیاتي ځواک څخه برخمن شوي او بزګرانو يې هم د شتمنېدو هيله ښودلې ده.
چين د غلو دانو د خونديتوب د ساتلو په برخه کې ډېرې لاسته راوړنې درلودلې چې نړيوالې ټولنې هم پرې اعتراف کړی دی. په چين کې د ملګرو ملتونو د غلو دانو او کرنې سازمان استازي وينوډ چين ستايلی او ويلي يې دي چې د چين د غلو دانو د توليدي اندازې ثابت پرمختګ د غلو دانو د نړيوال بازار د ثبات د ساتلو او د نړۍ د غلو دانو د خونديتوب د تضمين لپاره مثبت خدمتونه کړي دي.