د چين د کمونېست ګوند د شلمې مرکزي کمېټې د څلورمې عمومي غونډې د اعلاميې تر خپرېدو وروسته د امریکا او چين د همکارۍ صندوق اجرائيوي رئیس جون ميله واټ سي اېم جي ته ويلي، چې چين له نړۍ سره نه يوازې د اوږدمهاله پلان له لارې د حکومتوالۍ تجربې شريکوي، بلکې دا یې هم ورته ثابته کړې، چې چيني شکله عصريتوب پر ګډې سمسورتيا پسې تړاو لري.
د يادې غونډې ګډونوالو د اقتصادي او ټولنيز پرمختګ د پنځلسم پنځه کلن پلان د جوړولو په هکله د چين د کمونېست ګوند د مرکزي کمېټې وړانديز تصويب کړی او د دغې مودې لپاره یې د ورخلاصون د پراخوالي کارونه هم ترتيب کړي دي او هم يې د همکاريو له لارې ګډو برياليتوبونو ته د رسېدو په پار د نوي جوړښت پر جوړولو ټينګار کړی دی.
ورخلاصون د چيني شکله عصريتوب څرګنده ځانګړتيا ده. چين د څوارلسم پنځه کلن پلان په موده کې نړیوالو ته خپله دروازه لا پرانیستلې وه او په تېرو اتو کلونو کې یې سوداګريزې پیمانې په نړۍ کې لومړی مقام نيولی او په همدې موده کې يې بهرنۍ پانګونې له ټاکلي وخت شپږ مياشتې مخکې د تمې خلاف زياتې شوې دي.
چين په بهرنيو هېوادونو کې د پانګونې له پلوه د درېیو مخکښو هېوادونو په ډله کې ځای نيولی دی.
له حقيقتونو څخه ښکاري چې د چين ورخلاصون نه يوازې د ځان، بلکې د نړۍ لپاره هم ډېر ارزښت لري.
د نړۍ سل کلن بدلېدونکی جوړښت لاهم د چټکتيا په حال کې دی. نړۍ له يوې خوا د علمي او تخنيکي او صنعتي انقلاب د نوي پړاو په ژورتيا سره د تېر هر وخت په پرتله ورخلاصون او د ګټو شريکولو ته اړتيا لري او له بلې خوا د اقتصاد نړيوال کېدل له ستونزو او ننګونو سره مخ دی او هم یو اړخيزم او ځاني سوداګرۍ ساتونکې کړنې مخ په زياتېدو دي، چې له امله یې ګرده نړۍ د پرمختګ د نابرابرۍ او د حکومتوالۍ له کمزورتيا سره مخ ده.
چين د نړۍ د پېچلي وضعیت پر وړاندې د ورخلاصون پر پراخوالي ټينګار لري او په پر له پسې توګه يې د چيني شکله عصريتوب د ابادۍ لاسته راوړنې د نړۍ د ګډ پرمختګ پر ګټو بدلې کړې دي. چين د خپلو رښتينو اقداماتو له لارې نړيوالو ته د يوه لوی هېواد مسؤليت او بڼه ښکاره کړې ده.
چين د ورخلاصون په پراخوالي سره نړيوالو ته د لوی بازار ګټې رسولې دي.
په يادې غونډې کې ډاډ ورکړل شوی، چې چين به له له نورو هېوادونو سره فرصتونه شريک کړي او ګډ پرمختګ به ورسره ومومي.
چين څه باندې يو ميليارډ او څلور سوه مليونه نفوس لري او د منځنۍ کچه عايد لرونکو کسانو شمېر به يې په راتلونکو څه باندې لسو کلونو کې له اته سوو مليونو څخه زیات شي، نو بازاري پرمختيايي امکانات يې ډېر دي. د چين لوی بازار به د نوي باکيفيته توليدي ځواک په پرمختیا سره د نړيوال نوښت ازمايښتي ځای وګرځي او نړيوال به ترې ډېرې ګټې واخلي.
په شمالي اسيا کې د لويس دريفوس (Louis Dreyfus) کمپنۍ اجرائيوي مدير چن جيا يوان سي اېم جي سره په خبرو کې ويلي، چې چين په وروستيو کلونو کې څو ستراتيژيکې پروژې پلې کړې دي او هيله يې ښودلې چې کمپني به یې له دغه هېواد سره ګډ پرمختګ ومومي.
اوس چين نه یوازې د توليداتو او توليدي عواملو لپاره، بلکې د اصولو، نظامونو، ادارې او معيارونو له پلوه هم پرانيستې تګلارې غوره کړي او دا د دغه هېواد د ورخلاصون د لوړې سويې ښکارندويي کوي.
چين په پېچلي چاپېريال کې هم نړۍ ته د حکومتوالۍ ګټې رسولې دي.
د چين د کمونېست ګوند د شلمې مرکزي کمېټې د څلورمې عمومي غونډې ګډونوالو ويلي، چې چین به څواړخيز سوداګريز ميکانيزم وساتي او د کمربند او لارې د باکيفيته او ګډې ابادۍ لپاره به هڅې وکړي.
چين د اقتصاد د پرمختيايي ګټو د شريکولو ترڅنګ د يوې ښکلې نړۍ د ابادۍ لپاره فعالې هڅې کوي.