د چين او اروپا ترمنځ د باروړونکو اورګاډيو دوهم نړيوال همکاريز فورم د نومبر په ۱۸مه نېټه د شاان شي ولایت په شي ان ښار کې پرانیستل شو.
د دغه فورم په پرانيستونکو مراسمو کې د چین د کمونېست ګوند د مرکزي کمېټې د سياسي بيورو دايمي غړي او مرستيال صدراعظم دينګ شوې شيانګ هم ګډون او وينا کړې ده.
نوموړي ويلي، چین غواړی د ورېښمو لارې د روحیې پر بنسټ له بېلا بېلو خواوو سره فعالې اړیکې او همکارۍ پیاوړې کړي، د چین ـ اروپا د باروړونکو اورګاډيو چارو ته نور پرمختګ ورکړي او د سیمو اقتصادي او کلتوري تبادلې وهڅوي.
دينګ شوې شيانګ په خپلو خبرو کې څلور وړاندیزونه کړي دي:
۱. د چین ـ اروپا د رېلپټلۍ په اوږدو کې پراته هېوادونه دې ورخلاصون او پيوستون پياوړي کړي او هم دې د ځمکني او سمندري ټرانسپورټ ترمنځ همغږي پياوړې کړي.
۲. دغه هېوادونه دې همکارۍ پراخې او نوښتونه وکړي، لوړه ټکنالوژي دې وکاروي او د چین ـ اروپا د باروړونکو اورګاډيو د ډیجیټل او ځيرکتيا پروسه دې چټکه کړي.
۳. د چین ـ اروپا د رېلپټلۍ په اوږدو کې پراته هېوادونه دې د خطرونو مدیریت زیات کړي، د قوانينو د عملي کولو په برخه کې دې د همکاريو او نظر تبادلو میکانیزم جوړ او د معلوماتو شریکول دې ډېر کړي او د خوندي پرمختګ بنسټ دې ټینګ وساتي.
۴. دغه هېوادونه دې ګډ پرمختګ ته وده ورکړي، د ټرانسپورټي لارو په اوږدو کې دې د شرکتونو پراخو همکاريو ته ملاتړ برابر کړي او د سیمه ییزې اقتصادي سمسورتیا د لا پراختیا لپاره دې هڅې وکړي.