جاپان د ۱۹۴۱م کال د دسمبر په اوومې نېټې پر پيرل بندر بريد وکړ، چې له امله يې د اريزونا پوځي بېړۍ هم ډوبه شوه او څه باندې ۱۱۰۰ امریکايي پوځي افسران او عسکر پکې ووژل شول. تر اوسه له دغې بېړۍ څخه تيل لاهم بهېږي.
د سي جي ټي اېن يوه سروې تر سره کړې. ۸۹،۹ سلنه ګډونوال يې په دې اند دي، چې جاپان له دويمې نړيوالې جګړې وروسته نړیوال نظم ته بیا چلنج جوړ کړی او د پوځيتوب يا د نظامي ځواک د بيا را پورته کولو هڅې کوي، نو د نړۍ هر هېواد بايد د دغه هېواد کړنې له نږدې وڅاري او د امريکا په شمول نړيواله ټولنه باید د پوځيتوب د بيا را ژوندې کولو د هر ډول هڅو مخه ونيسي.
د سروې ۷۵،۷ سلنه ګډونوالو ويلي، چې نړيواله ټولنه باید له جاپان څخه پر پيرل بندر د بريد تاوان واخلي او د قربانيانو کورنيو ته دې يې وسپاري او له جاپاني حکومت يې غوښتي، چې د يوه مات شوي ملت په توګه خپله پړه پرغاړه واخلي او د قربانيانو له کورنيو څخه دې صادقانه بښنه وغواړي.
جاپان کابو څلور اتیا کاله مخکې پر پيرل بندر بريد کړی و، خو لا یې هم د خپلو جنګي جرمونو پړه نه ده منلې، بلکې خپل پوځي ځواک نور هم پياوړی کوي.
جاپان په ۲۰۲۵م کال کې پوځي دفاعي لګښت ۱۱ ټريليونه جاپاني يوانو ته رسولی، چې دغه شمېر يې د کورني توليد د عمومي ارزښت په سلو کې دوه سلنه نيسي.
د سروې ۶۹ سلنه ګډونوالو په همدې اړه نظرونه څرګند کړي او اکثره يې پر دې اند دي، چې نړيواله ټولنه باید د جاپان د پوځيتوب بيا راپورته کولو ته بیداره واوسي او د سروې ۷۸،۱ سلنه ګډونوال بیا د پيرل بندر د بريد په څېر د بلې پېښې د رامنځته کېدو په اړه اندېښنه څرګنده کړې ده.