د چين د دولتي شورا د ګمرکي تعرفو قواعدو کمېټې په وروستيو کې د ۲۰۲۶م کال د ګمرکي تعرفو د تنظیم لايحه خپره کړې، چې له مخې يې د روان کال د جنورۍ له لومړۍ نېټې څخه د ۹۳۵ ډولو وارداتي محصولاتو تعرفې تنظيمې کړې چې کچه يې هم له امتيازي تعرفو ټيټې ده.
نړيوال د چين دغه کړنه نه یوازې د ګمرکي تعرفو تخنيکي تنظيم، بلکې په پېچلي نړيوال چاپېريال کې د ورخلاصون د پراخوالي او د باکيفیته پرمختګ د پرمخبېولو لپاره د دغه هېواد مهم ستراتيژیک ګام هم بولي.
د ګمرکي تعرفو د کمښت تر شا د چين د ورخلاصون منطق
چين په داسې حال کې، چې په نړۍ کې د ځاني سوداګرۍ ساتونکې کړنې ډېرې شوي او نړیوال اکمالاتي ځنځيرونه بيا تنظيم شوي، تر زياتې اندازې د محصولاتو ګمرکي تعرفې کمې کړي، چې دا د دغه هېواد د ورخلاصون د پراخوالي ښکارندويي کوي.
د چين دغه لېست، چې پکې ۹۳۵ ډوله وارداتي محصولات شامل دي، د عصري توليدي چارو او د خلکو د ژوند د بنسټيز ضمانت پر څو برخو پورې اړه لري، نړيوالو ته دا پيغام ورکوي، چې دغه هېواد د خپل بازار د ورخلاصون له لارې نړيوالې همکارۍ پرمخ بيايي.
دا ګام د دې ښکارندويي کوي، چې چین د نړيوال اقتصاد له بې ثباتۍ عواملو سره د مقابلې لپاره ټينګه ستراتيژيکه اراده لري.
له ځينو هېوادونو سره د سوداګريزو اړيکو د پرېکون تر ډول ډول فشارونو لاندې، چين د سوداګريزو خنډونو د له منځه وړلو او کمولو پر مټ له نړيوال اقتصاد سره پيوستون نور هم زیات کړی دی.
د چين دغې ثابتې تګلارې متزلزل نړيوال سوداګريز چاپېريال ته ثابت عوامل برابروي او د يوه لوی هېواد مسؤلانه رويه ترې ښکاري.
نوښتي ټکنالوژۍ او د زرغونو چارو پرمختګ د صنعتي جوړښت د ښه والي دوه حياتي ځواکونه دي
د چين د ګمرکي تعرفو د تنظيم په جريان کې دغه لوری هم په ډاګه شوی، چې دغه هېواد نوښتي چارو ته پرمختګ ورکوي.
د چين حکومت د ځينو کليدي پرزو او مخکښو توکو د ګمرکي تعرفو د کموالي له لارې د نړۍ هغو نوښتي سرچينو ته لاره روښانه کړې، چې غواړي د دغه هېواد له نوي باکيفيته توليدي ځواک سره یو ځای شي. دغه اقدام په دې مانا نه دی، چې چین له ځاني نوښت څخه لاس اخلي او پر نورو هېوادونو ساده تخنیکي تکيه کوي، بلکې په پرانيستي چاپېريال کې د ساينس او ټکنالوژۍ پرمختګ چټکتيا ته غوره لاره برابروي. دغه راز په چين کې د عصري تجهيزاتو او کليدي پرزو د ګمرکي تعرفو په کمښت سره د ځینو تصديو تخنيکي پرمختیايي لګښتونه هم کم شوي دي.
چين د زرغونو چارو د پرمختګ لپاره ډېرې هڅې کوي او پر ځينو زرغونو توليداتو يې وارداتي تعرفې هم کمې کړې دي. دا د دې ښکارندويي کوي، چې چين د زرغون پرمختګ د ستراتيژۍ د پلې کولو لپاره ډېرې هلې ځلې کوي. چين د همدغو کړنو په رڼا کې نه يوازې د کورنيو تصديو لخوا د زرغونو توليدي سرچینو د ترلاسه کولو په برخه کې توليدي لګښت کم شوی، بلکې د اقتصادي دوران د هڅولو او د سرچينو د اغيزناکې کارونې د پرمخبېولو لپاره یې يو بازاري سيسټم هم رامنځته شوی دی. دا چې د چين لخوا د يادو ګمرکي تعرفو تنظيم، د کاربون ايستنې کمښت او خنثی کول يو له بل سره همغږي کوي، د مختلفو تصديو زرغون پرمختګ ته د تګلارو واقعي ملاتړ برابر کړی دی.
د خلکو ګټو ته لومړيتوب ورکول
په دغو محصولاتو کې د خلکو د ژوند په اړه د طبي توليداتو د ګمرکي تعرفو کمښت د پاملرنې وړ ګرځېدلی دی.
د ځينو طبي توليداتو د وارداتي تعرفو کموالي ډېرو ناروغانو ته مستقیمې ګټې رسولي او د دوی اقتصادي فشارونه يې کم کړی دی. د چين دغه ګام د دې ښکارندويي کوي، چې د خلکو ګټو ته د لومړيتوب ورکولو پرمختیايي مفکوره پر مشخصې تګلارې بدله شوې ده.
د سوداګريز تړون څو کچې شبکې
چين د وارداتي محصولاتو د ګمرکي تعرفو پر کمولو سربېره د اړوندو تړونونو له مخې اړوندې تعرفې او امتيازي تعرفې هم کمې کړي او د څو کچې سوداګريز ترتیبات یې هم د پاملرنې وړ دي.
د نړيوالې اقتصادي سمسورتیا د کمزورتيا او د ځاني سوداګرۍ ساتونکو کړنو د ډېرېدو په حال کې، د چين ياد ګامونه به خامخا څو اړخیز سوداګريز سيسټم ته انرژي او ځواک برابروي.