امريکا د خپل هغه شعار چې وايي ((امریکا بيا لویه کړئ)) د پوره کولو په موخه د «لومړی امریکا» پاليسي غوره کړې چې له مخې يې د نړۍ په کچه د سرچينو په تالا کولو او د نړيوالو اصولو په بدلولو کې خپلې هڅې ګړندۍ کړې او خپل اقدامات يې له يواړخيزم څخه تسلط جویانه ډیپلوماسۍ ته لوړ کړي دي. د چین مډیا ګروپ د سي جي ټي ان له خوا د آنلاین نظرپوښتنې له مخې، ۹۰ اعشاریه ۷ سلنه ځواب ویونکو د امریکا د تسلط جویانه ډیپلوماسۍ غندنه کړې.
امریکا په رسمي توګه د روغتیا له نړیوال سازمان او د پاریس له تړون څخه ووتله. ۵۷ اعشاریه ۸ سلنه ځواب ویونکو ویلي چې د امریکا دغه عمل به د عامې روغتیا او د اقلیم د کنټرول په شمول نړیوالو مسئلو باندې منفي اغیزه ولري.
۸۱ اعشاریه ۹ سلنه ځواب ویونکي له امریکا څخه غوښتنه کوي چې ژر تر ژره روغتیا نړیوال سازمان ته د ۲۶۰ میلیونو ډالرو په ارزښت خپلې ټاکل شوې ونډې ورکړي.
دا نظرپوښتنه د سي جي ټي ان د انګلیسي، هسپانوي، فرانسوي، عربي او روسي ژبو په ټولینزو رسنیو کې خپره شوه او ۷۳۷۹ خلکو د ۲۴ ساعتونو په اوږدو کې په رایه ورکولو کې برخه اخیستې ده.