د چين او امريکا ترمنځ د پينګ پانګ ډيپلوماسۍ د ۵۵مې کليزې په وياړ فعاليت د فبرورۍ په ۳مې نېټې د امريکا د واشينګټن ايالت د تاکوما ښار په لينکن ښوونځي کې ترسره شو.
دغه فعاليت د چين مېډيا ګروپ، د چينايانو د بهرنۍ دوستۍ ټولنې او د چين د پينګ پانګ ټولنې له خوا په ګډه جوړ شوی و.
د چين مېډيا ګروپ مشر شېن های شيونګ دغه فعاليت ته په وينا کې، ۵۵ کاله مخکې د چين او امريکا د پينګ پانګ ډيپلوماسۍ او ۱۰ کاله دمخه امريکا ته د دولت رئیس شي جين پينګ سفر ياد کړی او د چين او امريکا په اړيکو پسې یې د دواړو هېوادونو د خلکو هيلې او د ځوانانو راتلونکی تړلی بللی دی.
په دغه فعاليت کې د چين او امريکا ترمنځ د پينګ پانګ ډيپلوماسۍ د ۵۵مې کليزې د يادونې فلم نندارې ته وړاندې شوی او هم پکې د دوستۍ بال په نوم د پينګ پينګ نمايشي سيالي ترسره شوې ده.
پينګ پيانګ ډيپلوماسي د هغې تاريخي پېښې څرګندويي کوي، چې په ۱۹۷۱م کال کې د امريکا د پينګ پانګ لوبډلې د چيني لوري په بلنې له دغه هېواده ليدنه کړې وه. همغه مهال د چين او امريکا د پينګ پانګ لوبډلو ترمنځ دوستانه تګ راتګ د دواړو هېوادونو د اړيکو د عادي کېدو بهير په چټکولو کې مهم رول لوبولی دی.