د چين دولت رئيس شي جين پينګ د فبرورۍ په ۱۶مه نېټه د امريکا د ايوا(Iowa) ايالت دوستانو ته ځوابي پيغام او د پسرلني اختر په پار يې د مبارکۍ کارت ورولېږه او د اختر مبارکي يې څرګنده کړه.
رئيس شي جين پينګ په پرله پسې دريو کلونو کې د پسرلني اختر په وخت کې د امريکا دوستانو ته سلامونه او د اختر مبارکي ورولېږله چې د چين او امريکا د خلکو تر منځ د دوستۍ د پراختيا او د دواړو هېوادونو تر منځ د اړيکو د ټينګښت لپاره يې نوی حياتي ځواک برابر کړی دی.
وخت تېرېږي، دغه دوستي تلپاتې کېږي.
رئيس شي جين پينګ په ياد ځوابي پيغام کې وليکل چې ۴۱کاله مخکې مې له ايوا ايالت څخه ليدنه وکړه او هغه وخت ما ستاسو تود هرکلی وکړ، تر اوسه دغه ښکلې خاطرې زما په ذهن کې پاتي دي.
په ۱۹۸۵م کال کې شي جين پينګ د هه بې ولايت د جنګ دينګ ولسوالۍ د کمونېست ګوند کمېټې د منشي په توګه کار وکړ او په هغه وخت کې يې د يو پلاوي مشري وکړه چې د ايوا ايالت ته سفر کړی. هغه په دغه سفر کې په موسکاتيني (Muscatine) کې دوې شپې تېرې کړې او ګڼ شمېر ځايي اوسېدونکي يې وپېژندل.
شي جين پينګ د ۲۰۱۲م او ۲۰۲۳م کال په وخت کې په جلا جلا توګه د دولت رئيس مرستيال او دولت رئيس په توګه له امريکا څخه بيا ليدنې وکړې او يو ځل يې په ځانګړې توګه بيا د ايوا ايالت له موسکاتيني څخه ليدنه وکړه او له ملګرو سره يې خبرې وکړې. هغه يو ځل په سانفرانسيسکو کې د امريکا د دوستانو ډلو په ګډې مېلمستيا کې د ګډون په وخت کې د موسکاتيني په يو کور کې د اوسېدو کيسې وويلې او په صميمي ډول يې يادونه وکړه چې زما لپاره هلته اوسېدونکي د امريکا د دوستۍ استازيتوب کولی شي.
د چين دولت رئيس تل دغه دوستي په ياد ساتي او لا یې د ټينګښت هڅه کوي، څرنګه چې دا شواهد کولی شي چې د چين او امريکا خلک د ميکانيزمونو، فرهنګ او ژبو په توپيرونو کې لا غښتلې دوستي جوړه کړي.
رئيس شي جين پينګ د ۲۰۲۴م کال د يوان شياو په اختر کې د امريکا د موسکاتيني منځني ښوونځي د هغه پلاوي زده کوونکو ته چې مخکې يې چين ته سفر کړی، ځوابي پيغام ورولېږه او ويې ليکل چې هرکلی یې کوي چې لا زيات امريکايي ځوانان او کوچنيان د چين له ځوانانو او کوچنيانو سره نژدې دوستي جوړې کړي او يو له بل څخه زده کړه وکړي او متقابلې تجربې مطالعه کړي.
رئيس شي جين پينګ د ۲۰۲۵م کال د پسرلني اختر مخکې د امريکا د ايوا ايالت ملګرو ته د پسرلني اختر کارت ورکړی او هیله يې څرګنده کړه چې د دواړو هېوادونو خلک هميشني تګ راتګ وکړي او په ګډه د خلکو د دوستۍ ښکلې کيسې وليکي، د دواړو هېوادونو تر منځ د اړيکو ټينګښت لپاره نوي خدمتونه وکړي.
دا ځل رئيس شي جين پينګ د چين د کرنيزې جنترۍ د آس کال په وخت کې د موسکاتيني ملګرو ته په ځوابي پيغام کې يو ځل بيا وليکل چې د چين او امريکا تر منځ د اړيکې اميد د ملکيانو په اتکا کې دی، بنسټونه په ملکيانو کې دي، راتلونکي د ځوانانو په اتکا دی او فعال والی د دواړو هېوادونو د بېلا بېلو ځايونو تر منځ په تګ راتګ کې دی. د ده له جملو څخه ښکارېږي چې هغه د چين او امريکا د ملکيانو تر منځ دوستۍ ته په درنه سترګه ګوري او د دواړو هېوادونو د اړيکو د راتلونکي په اړه نېکې هيلې لري.
شي جين پينګ مخکې ويلي چې د هر ستر کار برياليتوب بايد له خلکو څخه بنسټونه ومومي، له خلکو نه ځواکونه راټول کړي، له خلکو سره په ګډه یې تر سره کړي. د چين او امريکا تر منځ دوستي همداسې يو ستر کار دی.
د هېوادونو تر منځ اړيکې د ملکيانو له دوستۍ سره ټينګ تړاو لري. د شي جين پينګ او د موسکاتيني د ملګرو تر منځ دوستي څه باندې ۴۰کلونه دوام لري او د نوي نسل ځوانانو او کوچنيانو تر منځ دوستي هڅوي چې د ملکيانو تر منځ د دوستي تخمونه د چين او امريکا د خلکو په زړونو کې موندل شوي او د دواړو هېوادونو تر منځ د اړيکو ټينګښت لپاره به مهم ملکي بنسټونه جوړ کړي.
روان کال به د چين او امريکا تر منځ د اړيکو د پرمختګ مهم وخت وي. په دې شرايطو کې چې د دواړو هېوادونو د خلکو تر منځ دوستي ټينګېږي، دواړه هېوادونه به د دوستۍ نوې پاڼې خلاصې کړي.