د چين د خارجه وزارت وياندې ماو نينګ د اپريل په ۳مه نېټه ويلي، چين د پاکستان او افغانستان ترمنځ د تاوتريخوالي له سختېدو راهيسې تل د منځګړيتوب هڅه کړې، په څو چينالونو او کچو يې له دواړو خواوو سره نږدې اړيکې ساتلي او د خبرو لپاره يې ورته اسانتياوې او فرصتونه برابر کړي دي.
د دې په خبره، پاکستان او افغانستان دواړه د چين منځګړيتوب ته ارزښت ورکوي او هرکلی يې کوي. دا چې دوی د بيا خبرو اترو نيت ښودلی، ښه خبره ده. اوس د خبرو اترو بهير د ثابت پرمختګ په حال کې دی. درې واړه خواوې د اړوند کاري موډل او اړوند راپورتاژ په اړه موافقې ته رسېدلې دي.