د چاپېریال ساتنې ملي ادارې رییس مطیعالحق خالص د قزاقستان پلازمېنې استانه کې د جاپان د چاپېریال ساتنې وزارت له مرستیال کنتارو سره لیدلي. د چاپېریال ساتنې ملي اداره ویلي، چې دواړو لورو په افغانستان کې د چاپېریال د اوسني وضعیت ارزونې تر څنګ، د چاپېریالي نوې ټکنالوژۍ په برخه کې د دوهاړخیزو همکاریو پر پراختیا ټینګار کړی. د یادې ادارې په وینا، د جاپان د چاپېریال وزارت مرستیال په افغانستان کې د چاپېریالي پروګرامونو کې د ونډې اخیستنې لپاره خپل چمتووالی اعلان کړ.
