د چین په سیاسي مفکورې کې سیاسي لاسته راوړنې ځانګړې او ژوره مانا لري. په دغې مفکورې کې د کادرانو د کارونو نتیجه ارزول کېږي او د یو هېواد او ګوند بنسټیز نظر (د چا لپاره او پر چا تکیه) پکې انعکاس شوی دی.
نړيوالو دا درک کړې، چې د لوېديځو هېوادونو انتخابي سیاست لنډمهالې نظریې لري او ډېر ژر پاشل کېږي.
چين بیا د مدیریت نوښتي طریقه وړاندې کړې، چې د کارونو د نافذېدو وخت پکې د ماموریت مودې په نسبت اوږد دی او ټول خلک یې ترې په اسانۍ ګټې پورته کولی شي.
په نننۍ تبصره کې به د چین د یو کلي د ابادۍ کېسې ته تم شو، چې د دغه هېواد د سیاسي لاسته راوړنو داخلي مفکوره او نړیوال اهمیت ترې څرګندېږي او ورپسې به د لوېديځو هېوادونو سیاسي کړنو ته اشاره ولرو.
د چین د هو نان ولایت شه با دونګ کلی تر ۲۰۱۳م کال پورې سخته بېوزلي تجربه کړې او هغه مهال یې د هر تن په سر د کرنيزو ځکمو پراخوالی شاوخوا ۵۵۰ مربع متره و او منځنی کلنی عواید یې یوازې ۱۶۶۸ یوانه وو او د بېوزلۍ کچه يې ۵۷ سلنې ته رسېده.
په شه با دونګ کلي کې د مياو قوم وګړي اوسیږي او شاوخوا ترې لوړ لوړ غرونه تاو دي او له ۲۰۱۳م کال مخکې یې هېڅ معیاري سړک نه درلوده او اوسېدونکو یې په ډېرو سختيو کې ژوند تېراوه.
د چین د کمونېست ګوند د مرکزي کمېټې عمومي منشي شي جين پينګ په ۲۰۱۳م کال کې له یاد کلي لیدنه وکړه او همغه وخت يې په لومړي ځل د بېوزلۍ د له منځه وړلو نظريه وړاندې ده.
د نوموړي پر يادې نظريې ۱۳ کاله تېرېدونکي دي، خو اوس د دغه کلي د هر تن په سر منځني عواید لس برابره زیات شوي او تر ۲۰ زرو یوانو رسېدلي دي. په ټوله کې د دې کلي اقتصادي اندازه تر ۵۰۰ میلیونو یوانو زیاته شوې ده.
د شه با دونګ کلي له دغه بدلون څخه نه یوازې د بېوزلۍ د له منځه وړلو بریالیتوب، بلکې د چین سیاسي لاسته راوړنې هم ترې ښکاري.
حقیقت دا دی چې د شه با دونګ کلي بدلون د یو چارواکي کار نه و، بلکې دغه بدلون د ټولو کادرانو د دوامدارو کوښښونو او هڅو په نتیجه کې راغلی دی. په دغه کلي کې د شديدې بېوزلۍ په له منځه وړلو کې ډېر اغېزمن ګامونه پورته شوي او د هرې کورنۍ او هر کس رښتینی حالت یې جدي پېژندل شوی او د حالاتو له مخې ورسره مرسته شوې ده.
د چين حکومت په دغه کلي کې د کاري توان لرونکو د چارو ملاتړ کړی او د کاري توان نه لرونکو لپاره یې بنسټيز تضمین برابر کړی دی، د ماشومانو لپاره یې تعلیمي مرستندویه پیسې برابرې کړي او د هغو کسانو لپاره چې په خطرناکو کورونو کې اوسېدل، په نورو سیمو کې خوندي کورونه ترتیب کړي دي.
د شه با دونګ کلي اوسیدونکي د حکومت د اغېزمنو ګامونو په رڼا کې له شديدې بېوزلۍ څخه وتلي دي.
لنډه دا چې د شه با دونګ کلي د بدلون تر شا د وګړیو جدي پېژندنه ده.
په لوېديځو هېوادونو کې خلکو ته د انتخاباتو د رایې ورکوونکي په سترګه کتل کېږي او دا په دې مانا ده، چې هلته يو وګړی د رایې ورکولو حق لري او يوازې د رایې ورکولو کار ترې اخيستل کېږي.
د لوېديځ سیاستوال همیشه رایې ورکوونکو ته لومړیتوب ورکوي او کمزوري یا ګوښه شوي کسان بیا نه يادوي. د ساري په توګه به په امريکا کې ځينو ستونزو ته کتنه ولرو.
په امریکا کې بنسټیز تاسیسات ډېر زاړه شوي، ټوپک پکې ازاد او ډېر بد کارول کېږي او د طبي چارو د اصلاحاتو تطبیق پکې ډېر ستونزمن دی.
په امريکا کې د دغو ستونزو تر شا د حل لایحې کمې نه دي، خو هر هغه اصلاحات چې له ګټو سره تړي، د دغه هېواد د دوو ګوندونو ترمنځ اختلافات نور هم سختوي او سياستوال يوازې د انتخاباتو بریاليتوب غواړي. ډيموکراسي دا مانا لري، څوک چې زياتره رايې تر لاسه کړي، ټولې ګټې به هم لاسته راوړي او په داسې حال کې د کمو کسانو ګټې به قرباني شي.
په چین کې وګړيو ته ډېر درناوی کېږي او د دغه هېواد د دولت رئیس په وينا، هيڅ وګړی باید له ګټو بې برخې نه شي.
د چین په کلیوالو سیمو کې ۹۸ ميلیونه او ۹۹۰ زره وګړي له بېوزلۍ څخه وتلي دي او دا د دې ښکارندويي کوي چې د دغه هېواد د مدیریت تګلاره نه يوازې د شتمنو لپاره، بلکې د ټولو وګړو په ګټه ده.
د چين د سیاسي لاسته راوړنو کلیدي نظریه دا ده، چې ګټې باید تر ټولو خلکو ورسېږي او هیڅوک باید ترې بې برخې نه شي.