د چين د کمونېست ګوند د مرکزي کمېټې عمومي منشي شي جين پینګ د کارګرو د اختر د رارسېدو په درشل کې ټولو کارکوونکو ته مبارکي وړاندې کړې او ويلي يې دي چې د چيني شکله عصري کېدو په نوي مزل کې ډېرو کارکوونکو د دې ګوند په مشرۍ ډېرې هڅې کړې او د نوښت او ګوندي او دولتي چارو د پرمختګ لپاره یې مهم خدمتونه کړي دي.
د خلکو نېکمرغه ژوند د دوی له زيارونو سره تړاو لري. که هغوی ډېرې هڅې وکړي، نو ژوند به ښه وي.
د چين د کمونېست ګوند د مرکزي کمېټې عمومي منشي شي جين پینګ هم داسې ويلي چې د ټولو خلکو نېکمرغه ژوند دې د دوی زيارونو او هڅو ته اړتيا وي. هغه هم د خپلو کارونو د تر سره کولو ډېر زیارونه ايستلي او کارکوونکو ته يې پام اړولی او تل يې له کارګرو سره ژوره مينه ساتلې ده. هېواد يې د ده په مشرۍ د خلکو زيارونه هڅولي او کار، پوهې، استعداد لرونکو کسانو او نوښت ته د درناوي لپاره يې ښه فضا برابره کړې ده.
هغه له کار سره مينه او کارګرو ته درناوی لري
شي جين پینګ د روان کال د مارچ په دېرشمه نېټه د بېجينګ د چانګ پینګ ناحيې د بای شان علاقه دارۍ ته ورغلی او د ونو کېښنولو ترڅنګ د زده کړې، کاري تمرينونو او د ونو کښېنولو په هکله له ماشومانو څخه پوښتنې وکړې.
د چين د کمونېست ګوند له اتلسم ملي کانګرېس راهیسې هر کله چې پسرلی رارسېږي، د چين د کمونېست ګوند د مرکزي کمېټې عمومي منشي شي جين پینګ په بېجينګ کې د ونو کېښنولو په فعاليت کې ګډون کوي او له خلکو او کادرانو سره ګډ کار کوي.
همدغه حالت موږ ته د يوه زاړه عکس يادونه را کوي: شي جين پينګ چې په ۱۹۸۹ م کال کې د فو جیان ولايت د نینګ ده سيمې د ګوندي کمېټې د منشي دنده پر غاړه اخيستې وه، له ځايي کادرانو سره په کروندو کار کاوه.
هغه وويل، هر څومره چې په زمانه کې بدلونونه راځي، موږ دې له کار سره مينه لرو او تل کارکوونکو ته دې درناوی ولرو.
د ۲۰۲۴م کال په نومبر کې عمومي منشي شي جين پینګ د هو بۍ ولايت د شيان نينګ ښار د جیا يوو ولسوالۍ له پان جيا وان علاقه دارۍ څخه ليدنه کړې او د سبزيجاتو د ودې په هکله يې له کارګرو څخه پوښتنې وکړې. هغه په دې سفر کې ويلي چې که کرنيز کښت، کرنيز ترتيبات، بازاري پلور او يا د بزګرو عايدات وي، ټول په ثابت ډول روان دي. خو ټينګار يې کړی چې بزګران هېر نه شي او موږ باید له کرنې څخه د بزګرو د ګټې اخيستنې لپاره هڅې وکړو.
په ۲۰۰۷م کال کې جو شيو چين چې د بزګري کارګرو د يوې استازې په توګه د شانګهای د کارګرو د يوې نمونې په توګه ټاکل شوی وه او د دې ښار د کارګرو د نمونو د ستاينغونډه کې يې ګډون او وينا وکړه. شي جين پینګ چې په هغه وخت کې د شانګهای ښار د ګوندي کمېټې منشي و، د کارګرو نمونو ته په وينا کې پر اړوندو څانګو غوښتنه کړې چې د دغو کارګرو استازو کارونو، زده کولو، ژوند او روغتيا ته پاملرنه وکړي او د دوی له خوا د لا مهم رول د لوبولو لپاره ښه زمينه برابره کړي.
د ۲۰۱۵م کال د چين د دوو مجلسونو په کلنۍ غونډه کې جو شيو چين د ملي ولسي کانګرس د يوې استازې په توګه بيا له عمومي منشي شي جين پینګ سره ولیدل. شي جين پینګ داسې ويلي، لکه څنګه چې تاسو ويلي و، کار کول او زيارونه د ستاينې وړ دي او کارکوونکي هم د ستاينې وړ دي. موږ دې د کارګرو د نمونو د روزنې لپاره هڅې وکړو.
د چين د کمونېست ګوند د مرکزي کمېټې عمومي منشي شي جين پینګ د کارګرو طبقې او پراخو بزګرو عمده رول ته ډېره پاملرنه کوي او د کارګرو د نمونو روحیه يې هڅوي. هغه ويلي چې ټوله ټولنه دې د کارګرو نمونو ته درناوی ولري، د کارګرو د نمونو روحيه دې وهڅوي او د کار کولو لپاره هڅې او زيارونه دې يو رجحان وګرځي. د کارګرو د نمونو روحيه، د کار لپاره زيارکښه روحيه او کسبګري د وطنپالنې په تمرکز د ملي روحيې او د اصلاحاتو او نوښت په محور د زمانې د روحیې ښکارندويي کوي او هم د ستونزو د لرې کولو او پرمختګ موندلو لپاره د ياد ګوند او بېلا بېلو قومي وګړو رواني حياتي ځواک هم دی.
دا نه يوازې د ټولو کارګرو د نمونو او پراخو کارکوونکو يوه ستاينه ده بلکې د ټولو چينايانو هيله هم ده.