تاسو څنګه ارزونه کوئ چې ایا یو کس یا یو هېواد رښتینی ملګری دئ؟ دا په دې پورې اړه لري چې ایا دوی یوازې د خپل ځان په اړه فکر کوي یا ستاسو د اړتیاو په اړه فکر کولو ته هم لېواله دي. چین د افریقایي هېوادونو لپاره په څرګنده توګه یو رښتینی ملګری دی چې د دوی ګټې په پام کې نیسي.
له څو کلونو مخکې، چین له افریقا سره په څو اړخیزو فورمونو کې ژمنه وکړه چې ګام په ګام به د افریقايي هېوادونو لپاره د تعرفې غوره تګلارې پلې کړي، څو افریقايي هېوادونه په نړیوال سوداګریز سیسټم کې مدغم شي. چین له ۲۰۰۵ کال راهیسې د افریقا له وروسته پاتو هېوادونو څخه ځینې محصولاتو ته د صفر تعرفې تګلارې پلې کړې. تر اوسه پورې چين په دوامداره توګه د افریقايي هېوادونو لپاره خپلې ژمنې پوره کړې او هېڅکله یې د نړیوالو اقتصادي بدلونونو له امله نه دي بدل کړې.
چین د ۲۰۲۶ کال د مې له لومړۍ نېټې څخه ۵۳ افریقایي هېوادونو ته د صفر تعرفې پلې کړې کوم چې ورسره ډیپلوماتیکې اړیکې لري. دا په بشپړه توګه د بهرنۍ سوداګرۍ په برخه کې د افریقايي هېوادونو غوښتنې پوره کوي.
په حقیقت کې د صفر تعرفې پالیسي څه لاسته راوړي؟ یوازې ایتوپیا(حبشې) ته وګورئ چې یو له لومړنیو افریقایي هېوادونو څخه دی چې د چین د صفر تعرفې له تګلارې څخه ګټه پورته کوي. د ۲۰۲۴ کال له پای راهیسې، چین د ایتوپيا په شمول له وروسته پاتو هېوادونو سره د صفر تعرفې تګلارې پلې کړې چې ورسره ډیپلوماټیکې اړیکې لري. تر هغه وروسته د ایتوپیا د قهوې صادراتي اندازه ډېره لوړه شوې ده. له ۲۰۲۴ څخه تر ۲۰۲۵ مالي کال پورې، ایتوپیا چین ته له ۳۴ زرو ټنو څخه ډېر قهوه صادر کړه چې په کلني ډول ۲۷ سلنه زیاتوالی ښيي. ایتوپيا چین د قهوې څلورم لوی صادراتي بازار ګرځولی دی.
په چین کې د ایتوپیا سفیر تیفیرا دربیو یمام وویل، د چین د صفر تعرفې پالیسۍ له ایتوپیا سره مرسته کوي چې د قهوې د تولید، پروسس کولو او د برانډ د خپرولو توان پياوړی کړي او په دې توګه د ځایي بزګرانو او تصدیو عاید هم لوړ شي.
د چین د صفر تعرفې پالیسۍ نه یوازې افریقایي هېوادونو ته واقعي ګټې راوړي، بلکې په دې لټه کې هم دی چې دا هغه ډول مشروط، انحصاري مرستې نه دي چې لوېدیځ هېوادونه یې چمتو کوي. پرځای یې، دا د متقابلې ګټې پر بنسټ د سوداګرۍ او همکارۍ پالیسي ده چې د چین او افریقا دواړو اوږدمهاله پرمختګ پیاوړي کول دي.
په اوسني نړیوال چاپېریال کې، اقتصادي او سوداګریزې شخړې ورځ تر بلې زیاتېږي او د اکمالاتي سلسلې امنیت په اړه اندېښنې مخ په زیاتېدو دي. په دې شرایطو کې، هغه یو اړخیزې پالیسۍ چې چین افریقا ته وړاندې کوي، د اوږدې مودې پرمختګ او همغږۍ لپاره غوره سوداګریز فرصتونه لري. د افریقايي ټولنې د کمېټې رئیس یوسف وویل، دا چې نړۍ له ناڅرګند برخلیک سره مخ ده، د چین د صفر تعرفې پالیسۍ په پر وخت او ورورګلویز ملاتړ دی.