د چین او امریکا د مشرانو سرمشریزې د نړۍ پام ځانته اړولی او ګڼو نړیوالو رسنیو پرې تبصرې کړې دي.
رسنيو په خپلو راپورونو او ليکنو کې د چین او امریکا د اړیکو باثباته پرمختګ خورا مهم یاد کړی او تمې يې ښودلي، چې د دواړو هېوادونو ترمنځ پراخې همکارۍ نړۍ ته لا ثبات او ډاډ ورکړي.
د سینګاپور بزنېس ټایمز ورځپاڼې په بېجینګ کې د چین او امریکا د مشرانو کتنه د ۲۰۲۶م کال تر اوسه پورې تر ټولو مهمه ليدنه یاده کړې او ويلي يې دي، چې دغه کتنه به د نړۍ د خورا مهمو دوه اړخیزو اړیکو اصل وټاکي.
د امریکا فکري مرکز د بهرنیو اړیکو شورا ویلي، چې رئيس شي او ولسمشر ټرمپ به په بېجينګ کې پر لوړو تمو خبرې وکړي او کله چې د نړۍ دوه لوی اقتصادونه او دوه خورا پیاوړي هېوادونه خبرې پيل کړي، نو نړۍ به لا خوندي وساتل شي.
د قزاقستان استانه ټایمز ورځپاڼې په يوې تبصرې کې ويلي، چین په سیسټماتیک ډول د ملګرو ملتونو په مرکزیت د نړیوال نظم ساتنې، مساوات، په کورنیو چارو کې د نه لاسوهنې، پراختیا او د متنوع تمدنونو ګډ ژوند ته لومړیتوب او ملاتړ ترې کوي.
د چین د نړیوال تمدن مديريت د تمدنونو تنوع ته درناوی لري او پر نورو د یو واحد ماډل له تپلو او تحمیلولو سره مخالفت کوي.