په دې ورځو کې به د کلب هاوس په اړه حتمن ډېر څه اوری. دغه ټولنیزه شبکه ده چې تازه جوړه شوې او زیاتره کسان ورته ور جذب شوي دي.
په دې ټولنیزه شبکه کې د پېژندل شويو ټولنیزو، سیاسي، اقتصادي او کلتوري شخصیتونو شتون د کلب هاوس نوم د خبرونو په سرټکو بدل کړی دی. په دې مقاله کې به د کلب هاوس شبکې بېلابېلې برخې در وپېژنو او دغه راز دا به هم درته وښیو، چې څنګه کلب هاوس اکونټ جوړ او ګټه ورنه واخلو.
کلب هاوس یوه ټولنیزه د خبرو کولو شبکه ده، چې کارونکو ته اجازه ورکوي څو له یوبل سره د خبرو کولو په ګروپونو(ډلو) کې صوتي پیغامونه ولېږي. کلب هاوس تر اوسه په ټولنه نړۍ کې د زیاتره خلکو پام ځانته اړولی، چې په یو کال کې يې د کارونکو شمېر ۱۰ میلیونو تنو ته رسېدلی دی. کلب هاوس ته د دومره زیاتو کسانو د جذبېدلو علت د پېژندل شویو سیاسي، اقتصادي او ټولنیزو شخصیتونو شتون ښودل شوی دی.
اوس لوی شرکتونه او هغه کسان چې غټ کاروبارونه لري، په کلب هاوس کې له یو بل سره د نظر تبادله کوي. په ورته وخت کې د دې شبکې د کارونو پر وړاندې د کلب هاوس له لوري ځینې شرطونه هم اېښودل شوي دي. هغه کسان چې غواړي کلب هاوس جوړ کړي، باید د دې شبکې له یوه فعاله غړي څخه بلنه تر لاسه کړي او د هغه له بلنې پرته نه شي کولای چې په کلب هاوس کې واوسي. تر اوسه دا معلومه نه ده چې کلب هاوس به خپله دغه بڼه بدله کړي او کنه.
ولې باید د کلب هاوس غړي واوسو؟ د کلب هاوس ګټې او کارونه:
ولې باید د کلب هاوس غړي واوسو؟
لکه څنګه چې مو وویل چې دغه شبکه ټولنیزه او په یوه ګروپ کې جوړه شوې ده، اوسمهال په یاده شبکه کې زیاتره ګروپونه جوړ شوي دي، چې هر هغه څوک چې علاقه او د خوښې وړ ګروپونه یې وي، ورتللی شي او د هغه ګروپ له غړیو سره د نظر تبادله کولای شي. که د کلب هاوس له ګټو او کارونو څخه خبر نه یاست، کومه د اندېښنې وړ خبره نه ده، وړاندې مو ۵ دلیلونه راوړي، دا دلیلونه کولای شي له کلب هاوس سره مو لا ډېر اشنا کړي.
۱ـ د خبرو اترو فرصت
له شکه پرته تر ټولو مهم او ګټور کار د دې ټولنیزې شبکې دا دی، چې له بېلابېلو خلکو سره کولی شې په یو وخت کې خبرې وکړی. کېدلی شي نورې ټولنیزې شبکې هم دغسي کار تر سره کړي، خو کلب هاوس ډېر داسې امکانات کس ته په واک کې ورکوي، چې د نوموړي خبرې مدیریت شي. په دې شبکه کې کولای شی چې د داسې ګروپونو غړي شی، چې د دې ګروپونو د نورو غړو تر منځ چې کومې خبرې سره تبادله کیږي، غوږ ونیسی او خپله هم کولای شی چې د دې ګروپ غړي و اوسی.
۲- شبکه
دا شبکه په جوړو شویو ګروپونو کې ډول ډول موضوعات پوښي او کولای شي چې د یو داسې ګروپ غړي شی، چې علاقه ورسره لری او کولای شی له هغه چا سره خبرې وکړی کوم چې مو هدف وي او یاهم علاقه ورسره لری.
د بېلګې په توګه، که تاسې ډاکتر وی، کولای شی په کلب هاوس کې د روغتیاپالانو یو ګروپ ته ورشی او لا ډېرې تجربې او د هغوی نظریات تر لاسه کړی.
په دې وخت کې د کلب هاوس ګټه دا شوه چې له دې ګروپ څخه کولای شی ډېره تجربه تر لاسه کړی.
۲- د تخصصي موضوعاتو یادونه
یو بل تر ټولو مهم کار چې په کلب هاوس کې یې تاسې تر سره کولی شی، دا دی چې تخصصي بحث کولی شی، چې دا مو بیا پر مسلک او زده کړو مثبت اغېز کولي شي. د بېلګې په توګه، د انجنیري پوهنځي د اخیري کال محصل یاستی، مخکې له دې چې د کار ډګر ته داخل شی، غواړی اړینې تجربې تر لاسه کړی چې په دې وخت کې کولای شي په کلب هاوس کې چې د کوم ګروپ غړي یاستی، د دې ګروپ له تخصص لرونکو څخه یې تر لاسه کړئ.
۴- د خپلې وړتیا ښودل
که علاقه ولری او له هغو کسانو سره باید اشنا شئ چې ستاسې خوښېږي او په داسې ډول له هغوی سره پیژندل غواړی، چې وړتیا مو ورته معلومه شي، نو ځای يې کلب هاوس دی. په دې شبکه کې تاسې کولی شی میکروفون واخلئ او هغه څه ووایئ، چې تاسې یې ویل غواړی.
۵- د فشار کموالی
د تخصصي ګروپونو تر څنګ، په کلب هاوس کې تفریحي د لوبو او هنر ګروپونه هم شته، چې له دې ګروپونو سره په یوځای کېدو کولای شی خپل ذهني فشار کم او کار مو په ښه ډول تر سره کړی.
څنګه کولای شو چې د کلب هاوس غړي شو؟
که پلان لری چې له دې شبکې سره تازه ونښلئ او غړي یې جوړ شی او ورباندې بلد نه یاست، تشویش مه ورته کوئ. موږ یې دلته درته لاره ښیو:
۱- د یوبل ملګري لخوا بلنه تر لاسه کړئ
له هرڅه د مخه چې تاسو غواړی د کلب هاوس غړي شی، باید د یو ملګري لخوا بلنه تر لاسه کړئ. دا بلنه به د دې شبکې له کاروونکو څخه وي او تاسو ته باید ولېږل شي.
له بلنې پرته هم کولای شي چې کلب هاوس ډانلوډ کړئ، خو هغه وخت کې یوازې کولای شی خپل نوم پکې ور زیات کړی او د انتظار په لېست کې پاتیږی. د انتظار په لېست کې ستاسو نوم په دې شبکه کې ستاسو دوستانو ته ورځي او هغه کولای شي تاسو ته بلنه ولیږي او په هغه صورت کې تاسو خپل حساب فعال کولای شی.
وروسته له بلنې څخه باید د خپل موبایل د اړیکې شمېره باندې خپل حساب جوړ کړئ او وروسته تر هغه خپل ایمیل ادرس او دغه راز د حفاظت کوډ ورکولای شی. که د دې ټولو حوصله نه لری، کولای شی د خپل ټویټر له حساب څخه هم د دې اکونټ په جوړولو کې ګټه واخلئ.