امریکا او هند د سوداګریزو اړیکو پر پراختیا ټینګار کړی دی. د راپورونو له مخې هندي او امریکايي پلاوي په تازه لیدنه کې پر هغه تګلاره بحثونه کړي چې له مخې به یې د امریکا او هند ترمنځ د سوداګریزو اړیکو او اقتصادي همکاریو یوه ستره هوکړه لاسلیک کېږي.
هندي رسنۍ وايي، هندي او امریکايي لوري ویلي چې ډېر ژر به دغه تګلاره نهایي شي او د دواړو لورو د مشرانو ترمنځ به په ځانګړو مراسمو کې لاسلیک شي. د امریکا او هند ترمنځ له یوه کال راهیسې د سوداګریزو اړیکو د پراختیا او اقتصادي همکاریو پر یوه هوکړه کار روان دی چې په هغه کې د دواړو هېوادونو د سوداګریزو اړیکو د پراختیا لپاره پر مهمو مواردو بحثونه شوي دي.