په نیویارک کې اورلګېدنې ۱۹ کسان وژلي دي. د نیویارک ښار ځایي پولیس وایي چې اورلګېدنه د هستګونې په بلاکونو کې رامنځ ته شوې ده او تر اویا پورې کسان یې ټپیان کړي هم دي.
روغتیايي چارواکي وایي چې د پېښې له سیمې ۱۹ کسانو جسدونه وروړل شوي چې نهه کسه یې ماشومان دي. د دوی په خبره ډېری یې د زړه د درېدو له امله مړه شوي دي. د نیویارک ښار پولیس وایي چې اویا کسه ټپیان چې ډېری یې سخت زیانمن شوي روغتونونو ته لېږدول شوي دي.
د اور وژنې ادارې دا په وروستیو دېرشو کلونو کې تر ټولو خونړۍ اورلګېدنه بللې چې څو ساعته یې دوام کړی او د ۱۹ کسانو ژوند یې اخیستی دی.