د چين د کمونېست ګوند شلم ملي کانګرس به د اکتوبر په ۱۶مه نېټه پرانيستل شي. دغه کانګرس په هراړخيزه توګه د عصري سوسياليزم هېواد د ابادۍ او د دويمې سليزې هدف ته د روانېدو په کليدي موده کې ستر اهميت لري. په چين کې مېشت د دوکتورا افغان محصل او سياسي پوه محمد حسن مخدوم زاده هم دغه کنګرس ته ډېره پاملرنه کوي او د چين مډيا ګروپ د پښتو څانګې له خبريالې سره د مرکې په وخت کې يې ويلي، چې په دغه کانګرس کې به د ټول چين د کمونېست ګوند ۲۲۹۶ استازي وټاکل شي او په بېجينګ کې د هېواد د پرمختګ او د خلکو د ژوند په هکله به ستر کانګرس تر سره شي.
ښاغلي مخدوم زاده په چين کې اووه کاله ژوند کړی او له ۲۰۱۵م کال څخه تر اوسه پورې يې د چین بدلونونه له نژدې کتلي او ډېرې خاطرې لري. د ده په نظر کې د ۲۰۱۵م کال په پر تله اوسني چين ډېر بدلون کړی او ويلی شو، چې د ټولنيز ضمانت، ښوونې او د خلکو د ژوند شرايطو په شمول بېلا بېلو ساحو کې د چين پرمختګونه ډېر چټک شوي. د يادونې وړ ده چې د ساينس او تېکنالوژۍ چارو په دې وروستيو کلونو کې ډېر پرمختګ موندلی.نوموړي خبريالې ته وويل، چې زما لپاره په چين کې د فضانوردۍ چارې او پنځه جي ډېر غښتلې تکنالوژۍ لري او د پنځه جي تېکنالوژۍ پرمختګ زموږ عادي ژوند کې هم ډېرې اسانتياوې برابرې کړې دي.
ښاغلي مخدوم زاده مخکې په چين کې د بېوزلۍ له منځه وړلو چارو د برياليتوب ستاینه وکړه او په ځانګړې توګه يې په دې هکله يوه ليکنه په مجله کې خپره کړه. د ده په اند د چين کمونېست ګوند هدف خلکو ته خدمت کول دي. هغه وويل، چې د چين کمونېست ګوند تل د خلکو د خوښ ساتل، د بېوزلۍ له منځه وړل او د اقتصاد پرمختګ معيار ګڼي او په دې ترڅ کې د خلکو بنسټيز ژوند ته پاملرنه کوي. د چين حکومت په ټول هېواد کې د بېوزلۍ له منځه وړلو چارو د برياليتوب په هدف مختلفې لارې جوړې کړې، چې اوسيدونکو ته يې کاري فرصتونه برابر کړي، د بېوزلۍ له منځه وړلو نظريې يې ټينګې کړې او د شتمنېدو توان يې پياوړی کړی. د چين کمونېست ګوند په مشرۍ د یېوزلۍ له منځه وړلو کار په بلاخره بريالی شو. اوس د چين کمونېست ګوند پر دې بنسټ د شتمنې ټولنې او د خلکو لپاره د ګډ شتمنېدو په لاره کې دقيقې تګلارې غوره کوي او د نويو هدفونو لپاره هلې ځلې کوي. د چين د کمونېست ګوند شلم ملي کانګرس به يو داسي ډګر وي، چې د دغو کارونو په اړه بحث وشي.
ښاغلي مخدوم زاده دا نظر څرګند کړ، چې چين نه يوازې په کوردننه کې د اقتصاد پرمختګ او د خلکو د ژوند لپاره کار کوي، بلکې په اقتصادي چارو کې د چين ستراتيژۍ د ټولې نړۍ لپاره ګټې لري. نوموړي خبريالې ته وويل، چين د اقتصادي پرمختګ په چارو کې له نړۍ سره د همکارۍ وړاندوينه کوي، خو له نورو هېوادونو سره سيالي نه کوي. د چين ډېرې ستراتيژي د نړۍ د سوله ايز پرمختګ او ټولو انسانانو ته د ګټو رسولو لپاره لرې ليد لري.