د ملي دفاع وزارت سرپرست ځانګړو ځواکونو ته ویلي چې د سرپرست حکومت پر وړاندې له بغاوت کوونکو سره ستاسو مقابله ده. د ملي دفاع وزارت لخوا په یوه خپره شوې خبرپاڼه کې راغلي چې د دفاع سرپرست وزیر د ځانګړو ځواکونو لومړۍ دورې په فراغت غونډه کې ګډون وکړ. سرچینې زیاته کړې، د ملي دفاع وزارت اړوند ځانګړو ځواکونو قوماندانۍ له لومړۍ دورې څخه ۴۸۵ تنه سرتېري پرون له ۳ میاشتنیو مسلکي زده کړو څخه وروسته فارغ شول. په یادو مراسمو کې د ملي دفاع وزارت د سرپرست ترڅنګ د یاد وزارت ګڼ شمېر مسؤلینو ګډون کړی وو. د دفاع سرپرست وزیر ټینګار وکړ، چې امنيتي ځواکونه د خپل ولس د سر، مال او عزت ساتنې په موخه هر ډول قربانۍ ته چمتو دي او چاته به اجازه ورنه کړي، چې د خلکو خوشحالۍ ورڅخه واخلي.
