د يو کمربند او يوې لارې پلان د چين لخوا د سوله ییز پرمختګ پر بنسټ د اقتصادي پرمختګ له لارې وړاندې شوی او چين غواړي د دغې لارې په اوږدو کې له پرتو هېوادونو سره د متقابل سياسي باور، د فرهنګي او کولتوري تبادلې او د اقتصادي همکارۍ پر اساس د ګټو ګډه ټولنه جوړ کړي. افغانستان د يو کمربند او يوې لارې په اوږدو کې پروت دی او له دې پلان څخه د بنسټيزو تاسيساتو د جوړولو په شمول اقتصادي ګټې تر لاسه کولی شي. دا پلان د بیا رغونې په حال کې د افغانستان لپاره مهم ارزښت لري.
څه موده مخکې د يو کمربند او يوې لارې په چوکاټ کې افغانستان ته د چين او پاکستان اقتصادي دهلیز د غځولو کارونو کې پرمختګ وشو. په دې اړه د افغانستان د شور نيوز خبريال ميوند صافي د چين مډيا ګروپ خبريالې ته وويل، چې د اقتصادي دهليز رامنځته کول او پراخول به د يو کمربند او یوې لارې په اوږدو کې د پراته هېواد په صفت د افغانستان په اقتصاد کې مهم رول ولوبوي او خلکو ته به يې زياتې ګټې ورسيږي او خلک به یې له اقتصادي پلوه ډېر بډای او شتمن شي.
نوموړي زياته کړه، دا ډير ښه اقدام دی، په دی سره به افغانستان او چین پر ځان بسیاینې، سولې، ثبات، پرمختګ او سوکالي نوره هم پياوړې شي. په دې اقدام سره مونږ افغانان د چينله حکومت څخه نړۍ مننه کوو او باور لرو چې دواړه هیوادونه به په هر ډول حالاتو کې تل د یو بل ملاتړي، تفاهم لرونکي او باوري ملګري پاتې وي او چین به تل له افغانستان سره ټینګ ولاړ وي.
د ښاغلي ميوند صافي په اند، د افغانستان او د دغه هېواد د خلکو درناوی کول ډېر مهم دی. افغانستان له څو لسیزو جګړو وروسته ډېرغواړي په خپله د پرمختګ لاره ولټوي او دا ډېر مهم دی، چې نور هېوادونه بايد د افغانستان په کورنيو چارو کې لاسوهنه ونه کړي او د دغه هېواد ته د احترام کولو پر بنسټ ورسره کمک او همکارۍ وکړي. چين د يو کمربند او يوې لارې په پلان کې د افغانستان د شاملېدو نظر وړاندې کړ، خو هېڅکله به د دغه هېواد په کورنيو چارو کې لاسوهنه نه کوي.
ښاغلي ميوند صافي وويل، چين له افغانستان سره د يو خپلواک هيواد په توګه خپلې مرستې هر وخت جاري ساتلې دي او هيڅکله يې د افغانستان په داخلي چارو کې لاسوهنه نه ده کړې او همدارنګه هر وخت يې د افغانانو دود او کلتور او عنعناتو ته پوره احترام ساتلی دی. مونږ په دې هيله يوو چې چين به د افغانستان ملي حاکميت، خپلواکۍ او ځمکنۍ بشپړتيا او درناوي ته دوام ورکړي او په بېلا بېلو ساحو کې به له افغانستان سره همکارۍ ژورې کړي.
د افغانستان خلک هیله لري، چې په هېواد کې يې دايمي سوله رامنځته شي او د ترهګرۍ ګواښونه په پوره توګه لرې شي. دا د چين او د افغانستان د نورو ګاونډيو هېوادونو لپاره هم ډېر مهم دی. چين هرکلی کوي، چې له افغانستان سره په ګډه يو کمربند او يوه لار آباده کړي، له افغانستان څخه ملاتړ کوي، چې د سيمه ايز اقتصاد د همکاريو او تګ راتګ په ليکه کې شامل شي، په ځمکه کې محدود هېواد څخه په ځمکني نښلونکي هېواد بدل کړي او افغانستان هم همدا هیله لري.
په دې هکله ښاغلي ميوند صافي وويل: مونږ افغانان له چین سره د خپل هېواد د اړیکو پراختیا ته ډېر اهمیت ورکوو او هېڅ ځواک ته به اجازه ورنه کړو چې زموږ له خاورې د چین پر ضد کار واخلي. افغانستان هيله لري چې له چين او نورو ګاونډيو هېوادونو سره په هماهنګۍ کې ژوند وکړي او د سيمه ييز ثبات او سوکالۍ د ودې لپاره له چين سره په فعاله توګه د درې اړخيزو همکاريو د پراختيا غوښتونکی دی.