د چين صدراعظم لي چيانګ د جون په ۲۷مه نېټه په تيان جين ښار کې د اقتصاد نړيوال فورم د نړيوالو متشبثينو په ډيالوګ کې ګډون وکړ او د متشبثينو له استازو سره يې د نظريو تبادله وکړه. د سوداګرۍ نړيوال سازمان عمومي مدير نګوزي وکونجو يويلا او د څه باندې ۲۰ هېوادونو او سيمو شاو خوا ۱۲۰ متشبثين په دغه ډيالوګ کې حاضر و.
لي چيانګ د متشبثينو د خبرو اترو له اورېدلو وروسته وويل، چې اوسنۍ نړۍ د نظريو تبادلو ته اړتيا لري او تر ټولو مهم ټکی ورخلاصون او همکاري دي. چين نه يوازې د ځان پرمختګ لپاره کوشش کوي، بلکې په فعاله توګه له بېلا بېلو خواوو سره د پرمختګ فرصتونه شريکوي او پرانیستی، ټولشموله او صميمي لوی هېواد دی. چين به د لوړ معيار د نړيوال اقتصاد او تجارت له اصولو سره ځان وصل کړي، د ميکانيزمونو د ثابتوالي او پرخوالي پر بنسټ به ورخلاصون وکړي، د بازاري، قانوني او نړيوال کېدو سوداګريز چاپېريال به جوړ کړي. چين به د پرمختګ په وخت کې نړۍ ته ثابت عوامل او فعاله انرژۍ او خوندي احساسات ورسوي.
په ډيالوګ کې د برخوالو متشبثينو استازو ويلي، چې چين تر ټولو د پرمختګ فعال انجن لرونکی بازار دی او د پرمختګ پراخ راتلونکی لري. نړيوال متشبثين له چين سره د همکاريو پلویتوب کوي او غواړي د چين د اقتصاد د باکيفيته پرمختګ په بهير کې ګډون وکړي او له چين سره د ګډو ګټو پر بنسټ دوستانه اړيکې جوړې کړي.