په ملګرو ملتونو کې د چين د دايمي استازي مرستيال ګنګ شوانګ د جولای په ۱۹مه نېټه د سوريې مسئلې په اړه د امنيت شورا د ويټو له واک څخه د استفادې په هکله يوه وينا وکړه او د سوريې حکومت دغه پرېکړه يې وستايله چې له مخې به ملګري ملتونه او ارګانونه کولای شي يې د باب الحوا سرحد له لارې د سوريې شمال لوېديځ ته خپلو بشري مرستو ته دوام ورکړي.
ګنګ شوانګ وويل، چين د سوريې حکومت د دغې مسوولانه او رغنده پرېکړې هرکلی کوي. د ملګرو ملتونو د بشري چارو د همغږۍ دفتر دا تایید کړې چې د سوریې حکومت دغه پرېکړه به د باب الحوا له لارې د م.م د مشروع بشري اقداماتو د تر سره کولو اساس وي. چين پر ملګرو ملتونو غږ کوي چې له سوريې حکومت سره د خبرو اترو او مشورو له لارې عملياتي مسئلې په سمه توګه حل کړي او نړيواله ټولنه دې د م.م او سوريې تر منځ د خبرو اترو د پياوړتيا او همکارۍ د ژورتيا لپاره ښه چاپيريال رامنځته کړي.
نوموړي پر دې بيا ټينګار کړی، چې له بهر څخه يو هېواد ته د ژغورنې او مرستې ميکانيزم په ځانګړي وضعيت کې لنډمهاله ترتيبات دي او بايد د دغو ترتيباتو بهير چټک شي، تر څو بهرنۍ ژغورنه او مرسته ګام په ګام لغوه شي. (ژباړه: شکريه)