د پنجشېر د کانونو او پټرولیم ریاست مسوولین وايي چې په اتم ځل د دغه ولایت له کانونو تازه استخراج شوي ۲۱۱۸ قیراطه زمرد د یوې شفافې پروسې له لارې د ۱۲۳ زره ۴۰۰ ډالرو په ارزښت د هېواد پر سوداګرو وپلورل شول. د یادونې ده، پنجشېر کې د زمرد کانونو استخراج له شاوخوا دوو کلونو درېدو وروسته د روان کال د زمري په ۲۴مه بیا پیل شو او له هغه وروسته دا اتم ځل دی چې استخراج شوي زمرد د داوطلبۍ له لارې پلورل کېږي. د مسوولینو معلوماتو له مخې، اوسمهال پنجشېر کې د زمرد ۷۰۰ کانونه شته چې له دې ډلې ۵۰۰ یې فعال او پاتې نور یې غیرفعال دي اوډېری دغه کانونه د یاد ولایت په حصه اول ولسوالۍ کې موقعیت لري.
