د روسیې دفاع وزارت ویلي، چې د تېرې یوې اونۍ په جریان کې یې د اوکراین په خارکیف ښار کې ۱۲ ښارګوټي نیولي دي. یاد وزارت زیاته کړې، چې د دغو عملیاتو پر مهال یې له ډرون الوتکو او نورو دقیقو وسلو څخه په ګټې اخیستنې ۲۸ ډلیز بریدونه کړي دي. د اوکراین ولسمشر ولادیمیر زیلنسکي روسي ځواکونه د خارکیف ښار په تخریبولو او دغه راز عامو خلکو په وژنو تورن کړي، خو د روسيې ولسمشر ویلادیمیر پوتین چین ته د سفر پر مهال خبریالانو سره په خبرو کې ویلي، چې پر خارکیف برید یې د اوکراین له لوري پر بلګراډ ښار د توغندیزو بریدونو په ځواب کې پیل کړی او کرېملېن د دغه ښار د نیولو پلان نه لري.
روسي ځواکونو د خارکیف ۱۲ ښارګوټي نیولي دي
