د مکې ګډ دفاعي تړون؛ خلیجي هېوادونه د امریکا بدیل لټوي

د سعودي عربستان، ترکیې او پاکستان ترمنځ د «مکې ګډ دفاعي تړون» له لاسلیک وروسته، د امریکا ولسمشر ډونالډ ټرمپ د دغه تړون هرکلی کړی او ویلي یې دي چې دا د منځني ختیځ د پیوستون د پیاوړتیا نښه ده. د تړون له مخې، پر هر یوه هېواد وسله‌وال برید به پر ټولو درېیو هېوادونو د برید په توګه ګڼل کېږي. شنونکي وايي، دغه تړون ښيي چې د خلیج ځینې هېوادونه د خپل امنیت لپاره د امریکا تر څنګ د نورو دفاعي شریکانو د موندلو هڅه کوي. د یوه اروپايي چارواکي په وینا، دا تړون واشنګټن ته پیغام دی چې سیمه‌ییز هېوادونه غواړي خپل امنیتي او دفاعي شریکان متنوع کړي. په ورته وخت کې، د خلیجي هېوادونو او امریکا ترمنځ د اړیکو په اړه نارضایتي هم زیاته شوې ده. یوه خلیجي چارواکي ویلي: «ټرمپ دا جګړه پیل کړه او موږ یې بیه پرې کوو.»