امریکا ته د روسیې خبرداری: هر ځای توغندي مه نصبوئ، کنه زموږ له غبرګون سره مخ کېږئ

روسیې امریکا ته د توغندیو د ځای پر ځای کولو پر سر خبرداری ورکړی دی. د روسیې د بهرنیو چارو وزارت ویلي دي امریکا په دې وروستیو کې د نړۍ په ګوټ ګوټ کې منځني واټن او نږدې واټن ویشتونکي توغندي ځای پر ځای کړي دي. روسیه وایي د امریکا دغه ډول ګامونه بې ځوابه نه پاتې کېږي او دا په واضح توګه نړۍ ته خطر او ګواښ دی. روسیې ویلي چې امریکا دې دغه ډول له ګواښ ډک اقدامات نه ترسره کوي ځکه د روسیې له غبرګون سره به مخ شي. د بهرنیو چارو وزارت په خبرپاڼه کې راغلي چې روسیه په خپلو شاوخوا سیمو کې د امریکا د توغندیو ځای پر ځای کول او ګواښونه نه شي زغملی.