د چین د کمونیست ګوند د مرکزي کمېټې عمومي منشي او دولت رئیس شي جین پینګ د اپرېل د ۲۱مې نېټې په ماسپښین په پلازمېنې بېجینګ کې د لاوس د خلکو د انقلابي ګوند د مرکزي کمېټې د عمومي منشي او دولت رئيس تونګلون سیسولیت له ځانګړي استازي او د لاوس له اجرائیوي مرستیال صدراعظم سالومکسي کوماسیت سره لیدلي دي.
شي جین پینګ له سالومکسي کوماسیت سره په ليدنې کې ويلي، د دواړو ګوندونو ترمنځ د ځانګړو استازو تبادله د دواړو خواوو د ژورې دودیزې دوستۍ او د سیاسي متقابل باور لوړه کچه ښیي.
نوموړي ويلي، څه موده وړاندې یې له عمومي منشي تونګلون سیسولیت سره ليکونه تبادله کړي او د چین او لاوس د ګډ برخلیک ټولنې د جوړولو په اړه مهمې موافقې ته رسېدلي دي.
شي جين پينګ باور ښودلی، چې د لاوس خلک به د عمومي منشي تونګلون سیسولیت په مشرۍ او د انقلابي ګوند د مرکزي کمېټې د مشرتابه د لارښوونې په رڼا کې هدفونو ته رسېږي او برياليتوب به ومومي، ثابتې سوسیالیستي لارې به تعقیب کړي او د ګوند د تاسیس سل کلن هدف به ترلاسه کړي.
سالومکسي کوماسیت د تونګلون سیسولیت لیک شي جین پینګ ته سپارلی دی.
نوموړي ويلي، لاوس د عمومي منشي شي جین پینګ د وړاندیز شويو لویو نړیوالو نوښتونو ټینګ ملاتړ کوي او غواړي له چین سره هراړخیزې همکارۍ ژورې کړي او د لاوس او چین د ګډ برخلیک ټولنې په جوړولو کې دوامدارې پایلې ترلاسه کړي.