د چين د کمونېست ګوند د مرکزي کمېټې د سياسي بيورو غړي او د دغې مرکزي مرکزې د سياست او قانون کمېسيون منشي چن ون چينګ د مې له ۲۹مې نېټې څخه د جون تر لومړۍ نېټې پورې له قزاقستان څخه ليدنه وکړه.
چن ون چينګ د دغه سفر په ترڅ کې د قزاقستان د امنيت شورا له منشي نور داوليتوف او د الماتای ښاروال ساتبالدي او نورو چارواکو سره لیدلي دي.
نوموړي له يادو قزاقي چارواکو سره په خبرو کې ويلي، چې چين او قزاقستان د دولت رئيس شي جين پينګ او ولسمشر توکايف د ستراتيژيکو لارښوونو په رڼا کې خپلمنځي سياسي متقابل باور ژور کړی، په بېلا بېلو برخو کې يې تبادلې او همکارۍ نږدې کړي او د کمربند او لارې باکيفیته ګډې ابادۍ یې د پام وړ پايلې لري او په خبره يې، چين او قزاقستان به خپلمنځي اړيکې نورې هم وغوړوي.
قزاقي چارواکو د قزاقستان او چين ترمنځ د همکاريو د لاسته راوړنو لوړه ستاينه کړې او د نړيوالو امنيتي مسائلو د حل په اړه يې د چين د مهم رول ستاينه کړې ده.
دوی ويلي، قزاقستان به له چين سره دوستۍ ته دوام ورکړي او د قانون د پلي کولو، امنيت او په نورو برخو کې به ورسره عملي همکارۍ وکړي او د دواړو هېوادونو ترمنځ هراړخيزې ستراتيژيکې همکاريزې اړيکې به پر مخ بوځي.
