د روسیې ولسمشر ولادیمیر پوتین ویلي چې د اوکراین جګړه ښايي پای ته نږدې شوې وي او د سولې هوکړې په صورت کې له زېلنسکي سره د درېیم هېواد کې د لیدو امکان شته. روسیې او اوکراین د زرو بندیانو پر تبادلې او درې ورځني اوربند هوکړه کړې چې د خبرو اترو هیلې یې زیاتې کړې دي. پوتین ټینګار کړی چې له زېلنسکي سره لیدنه به یوازې د بشپړې سولې له توافق وروسته ترسره شي. د امریکا ولسمشر ډونالډ ټرمپ ویلي چې دواړو لورو د جګړې د لنډمهالي درولو وړاندیز منلی دی. اوکراین د سولې خبرو ته چمتووالی ښودلی، خو مخکې یې مسکو ته د زېلنسکي د سفر وړاندیز رد کړی و.
